Biz haqimizda

TELERADIOKOMPANIYASI

ТАРАҚҚИЁТ МУСТАҚИЛ ТЕЛЕКАНАЛИ

( Оилавий телеканал)

ТЕЛЕКАНАЛ ХАҚИДА ҚИСҚАЧА МАЪЛУМОТ

Тараққиёт телеканали 1995 йилда ташкил этилган. Унинг муассиси профессионал журналист бўлганлиги учун хам биринчи кундан то хозиргача фаолиятида журналистиканинг барча тамойилларига амал қилиб келаяпти. Янгиликларни биринчилардан бўлиб томошабинларга етказиш, ошкоралик тамойилларига қатъий риоя этиш,манфаатлар дахлсизлигини таъминлаш, хақиқатни қарор топтириш йўлидан чекинмаслик ғояларига амал қилиш тенденциялари жамоанинг фаолият қомусига айланган. Айниқса кейинги пайтларда мамлакатимизда рўй бераётган туб ўзгаришлар даврида жамоанинг бу борадаги масъулияти янада ортди. Хақиқатни баралла айта олиш, халқ ва жамият манфаатларига дахл қиладиган хар қандай хавфни зудлик билан ошкор этиш, муайян муаммо юзасидан кенг жамоатчилик фикрини шакллантиришда ташкилотчилик қилиш хамда ташаббус кўрсатиш телекаанал фаолиятининг янги безагига айланди.
Телеканал дастурларининг ракамли фарматда эфирга узатила бошлаши эса эфир сифатининг янада яхшиланишига туртки бўлди. 1918 йил бошида аналог форматдан воз кечилиб, рақамли форматдаги телеаудио жихозлар харид қилинди. Студияларни замонавий жихозлаш амалга оширилди, кўплаб янги тахририятлар ташкил этилди. Ихтисослашув сари дастлабки қадамлар ташланди. Жамиятимизда тиббий маданиятни шаклланиш жараенига муносиб хисса қўшиш мақсадида тиббий маърифий мавзудаги кўрсатувларга кенг ўрин бериладиган бўлди. Шу билан бир қаторда чет тилини ўрганувчилар учун алохида дастурлар ишлаб чиқилди Диний маърифий мавзудаги дастурлар хам йўлга қўйила бошлади. Болалар учун алохида дастурлар ишлаб чиқилди. Ижтимоий кўнгилочар дастурлар хам эътибордан четда қолмади.
Телеканал жамоаси дастурлар мундарижаси устида қунт билан изланадилар. Эфирга узатиладиган кўрсатувлар оилабоп бўлишига алохида ахамият қаратилади.
Натижада ёшу кекса Тараққиёт телеканали дастурларини оила даврасида хотиржам, бирорта ноқулай ахволга солиб қўядиган бачканалик йўқмикан, деган хадиксиз тамоша қиладилар.
Мустақил телеканалнинг яна бир муваффакияти эфир қамровини кенгайтира олганидир. 2019 йилнинг биринчи ярмида Тараққиёт телеканали кўрсатувларини водийдаги Андижон, Фаргона, Наманган вилоятлари, хамда қўшни Қирғизистоннинг Ўш ва Жалолобод вилоятлари, Тожикистоннинг Хўжанд вилоятлари ахолиси очиқ эфир оркали томоша қилиб келаетган бўлса, йилнинг иккинчи ярмидан эътиборан Тошкент шахри ва мамлакатимизнинг бошқа вилоятларида кабел телевидениеси орқали томоша қилиш имконига эга бўлдилар. Натижада телеканал мухлисларининг сони 20 миллиондан ортди.
Тараққиёт телеканали хақида янада тўлиқроқ маълумотга эга бўлмоқчи бўлсангиз www.taraqqiyot.tv сайтига киришингиз ёки YouTube.com Facebook.com Telegram, Instagram каби ижтимоий тармоқлардан taraqqiyot.tv деб излашингиз мумкин. Унутманг, бизнинг эфиримизни Mediabay.uz тизими орқали хам тамоша қилишингиз мумкин.

"ТАРАҚҚИЁТ ТЕЛЕКАНАЛИНИНГ ИЖТИМОИЙ ТАРМОҚЛАР БИЛАН ИШЛАШ МАЪМУРИЯТИ"

ТАРАҚҚИЁТ МУСТАҚИЛ ТЕЛЕКАНАЛИ ХАМКОРЛИК ЮЗАСИДАН ТАКЛИФЛАР

Мамлакатимиз ривожланишининг бугунги босқичида рекламанинг ўрни ва ахамияти хар қачонгидан хам долзарб бўлиб турибди. Ишлаб чиқариш корхоналари томонидан тайёрланаётган махсулотлар, хизмат кўрсатиш сохаси ходимлари кўрсатаётган хизматлар кўламининг ортиб бораётгани реклама бозорига хам ўзининг ижобий таъсирини ўтказмокда. Бугун ким рекламани тўғри ташкил эта олса ўша муваффақиятга эриша олишини хамма билади. Фақат қачон ва қаерда ким орқали реклама килишни туғри танлай олиш керак холос. Тараққиёт мустақил телеканали реклама бозорига кеча ёки бугун кириб келган янги медиа ташкилоти эмас. Телеканалимизнинг медиа бозорда 25 йиллик тажрибаси бор. Бу даврда бизнинг хизматимиздан фирма ёки ташкилотлар, ишлаб чиқариш брендлари бахраманд бўлганлари туғрисидаги маълумотларни таклифимиз сунггида эътиборингизга хавола этамиз, албатта. Хозир эса телеканалимиз хақидаги қисқача маълумотларни эътиборингизга хавола қилмоқчимиз.
Тараққиёт телерадиокомпанияси 1995 йилда ташкил этилган. 2018 йилдан эътиборан рақамли форматда ишлашга ўтганмиз. Дастурларимиз оилавий даврада томоша қилиш учун
мулжалланган. Кино ва хужжатли фильмлар, маънави-маърифий хамда ижтимоий-сиёсий дастурлар, болалар ва ўсмирлар тахририятининг илм ва тил ўрганишга бағишланган кўрсатувлари, мусиқий, хажвий ва кўнгилочар дастурлар, тиббий-маърифий кўрсатувлар ана шулар жумласидандир. Айниқса тиббиёт сохасидаги дастурларимизни халқимизнинг тиббий маданиятини юксалтиришга йўналтирганимиз шу соха ходимларининг каналимизга булган қизиқишини оширди. Малакали тиббиет ходимларининг студиямизда томошабинлар билан жонли эфирдаги мулоқотлари телетомошабинларга манзур бўлмоқда. Бундай жонли эфирларимизни Фаргона водийсида очиқ эфир ва кабел тармоқлари орқали, Тошкент шахри ва республикаимзнинг бошка вилоятларида ягона кабел тармоғи орқали тамоша килаётганини хисобга оладиган бўлсак саломатлик борасидаги мутахасислар маслахатидан кўпчилик бахраманд бўлаётганини фахмлаш қийин эмас. Ўз уйингизда ёки ишхонангизда ўтириб, биргина телефон қўнғироғи орқали студия билан боғланиб, саломатлигингиз билан боғлик саволингизга мутахасиснинг жавобини олиш қанчалик ахамиятли эканини англаб турибсиз, албатта. Агар сизга бизни кўрсатувларимизни юқорида тилга олганимиз худудлардан ташқари қушни Тожикистон ва Қирғизистон республикаларида хам тамоша қилишаётгани хабарини берсак биз билан хамкорлик қилиш қанчалик фойдали бўлишини айтмасак хам бўлади.
Сизларни хамкорлик қилишга таклиф этар эканмиз Тараққиёт мустақил телеканали орқали берилган хар қандай рекламангиз аввало жамоангиз нуфузини ошишига хизмат қилади. Қолаверса биз хам Сизнинг ишингиз юришиб кетишидан манфаатдормиз. Чунки каналимиз оркали қилинган хар қандай реклама бизнинг
хам юзимиз эканлигини яхши биламиз ва унинг таъсирчанлигини оширишга астойдил харакат қиламиз. Қолаверса узоқ ва самарали хамкорлик йўлида Сиз кутмаган чегирмаларни хам таклиф этамиз. Муваффақиятли реклама ролиги тайёрлаб бериш хам қўлимиздан келади. Қуйида номлари келтирилаётган хамкорларимиз сафида сизларни хам кўришдан бахтиёрмиз.

КАНАЛИМИЗДА ЭНГ КЎП РЕКЛАМА БЕРГАН ХАМКОРЛАРИМИЗ РЎЙХАТИ

МАРКЕТИНГ БЎЛИМИ ТЕЛ: +998 93 550-07-15